/2023.04.26/: Швед улсын туршилтын пуужин хөрш Норвеги улсын нутаг дэвсгэрт газардсан байна.

Пуужинг орон нутгийн цагаар даваа гарагийн өглөөний 07:20 цагт Эсранже сансрын төвөөс хөөргөсөн байна.

Тус төвийг эзэмшиж, удирддаг Шведийн сансрын корпораци (SSC) болсон явдалд уучлалт гуйсан бөгөөд одоо мөрдөн байцаалт явуулж байгаа аж.

SSC-ийн мэдээлснээр пуужин 250 км өндөрт хүрч чадсан ч төлөвлөсөн газардах ёстой газраас баруун хойд зүгт 40 км-ийн зайд буюу хүн ам суурьшсан бүсээс 10 км-ийн зайд газарджээ.

Ослын улмаас хүн бэртэж гэмтээгүй бөгөөд эд материалын хохирол учраагүй байна.

Эх сурвалж: ВВС