/2023.03.30/: Боловсрол, шинжлэх ухааны дэд сайд Г.Ганбаяр Бүгд Найрамдах Хорват Улсаас БНХАУ-д суугаа, Монгол Улсын Хэргийг хамаарагч Онц Бөгөөд Бүрэн Эрхт Элчин сайд Дарио Михэлинг хүлээн авч уулзлаа.
Уулзалтаар Монгол-Хорват Улс хооронд дипломат харилцаа тогтоосны 30 жилийн ойн хүрээнд боловсрол, шинжлэх ухааны салбарт бодитой хамтын ажиллагааг хэрэгжүүлэх чиглэлээр санал солилцлоо.
Мөн Монгол Улсын Боловсрол, шинжлэх ухааны яам, Бүгд Найрамдах Хорват Улсын Шинжлэх ухаан, боловсрол, спортын яам хооронд “Дээд боловсролын салбарт хамтран ажиллах тухай харилцан ойлголцлын санамж бичиг”-ийг шинэчлэн байгуулж харилцан оюутан солилцохоор тохиролцлоо.
