/2023.03.29/: Хятадын технологийн аварга Алибаба компани дэд бүтцээ задлах төлөвлөгөөгөө зарласны дараа хувьцааны ханш огцом өссөн байна.
Энэхүү хувьслын үр дүнд бий болох зургаан компаний тав нь шинэ санхүүжилт босгох, олон нийтэд санал болгох (IPO) буюу хувьцаа гаргах хувилбаруудыг судлах болно гэж пүүс мэдэгдэв.
Мягмар гарагт Алибабагийн хувьцаа Нью-Йоркт 14 хувиар өссөн бол өнөөдөр Хонг Конгод 13 хувиар өссөн байна.
2020 оноос хойш АНУ-д бүртгэлтэй хувьцааных нь үнэ 70 хувиар унасан нь Бээжингийн зүгээс технологийн салбарыг дарангуйлж байгаатай холбоотой юм.
Сүүлийн гурван жилд олны өмнө бараг харагдахгүй байсан Алибабагийн үүсгэн байгуулагч Жэк Ма удаан хугацаанд эзгүй байсны эцэст энэ долоо хоногт Хятадад дахин гарч ирлээ гэсэн мэдээллийн дараа энэхүү шийдвэрийг танилцуулсан байна.
Алибаба бизнесээ хуваахаар шийдсэн нь 24 жилийн түүхэн дэх хамгийн том бүтцийн өөрчлөлт гэж мэдэгдэв.
АНУ-ын Үнэт цаас, биржийн хороо болон Хонг Конгийн хөрөнгийн биржид өргөдөл гаргахдаа Алибаба нэгжүүд "өөрсдийн зах зээл, салбар дахь боломжуудыг олж авч, улмаар Алибаба группын тус тусын бизнесийн үнэ цэнийг нээх болно" гэж мэдэгджээ.
Хятадын технологийн шинжээч Руй Ма ВВС-д хэлэхдээ, "Алибабагийн бизнесийн нэгжүүд өөрсдийн хурдаар өсөх боломжтой учраас хөрөнгө оруулагчид бүтцийн өөрчлөлтийн үнэ цэнэд хүрэхийг олж харсан" гэв.
Хөрөнгө оруулалтын судалгааны Third Bridge фирмийн технологи, хэвлэл мэдээлэл, харилцаа холбооны дэлхийн салбарыг тэргүүлэгч Скотт Кесслер, "Сүүлийн хэдэн сарын хугацаанд Хятадын засгийн газар томоохон технологийн компаниудад хатуу хяналт тавьж, чангалсангүй. Энэ нь засгийн газар компаниудыг түлхэхээ больж тэднийг бодитоор дэмжих үе рүү шилжих эхлэл байж магадгүй гэж хүмүүс найдаж байна" гэжээ.
Эх сурвалж: ВВС
