Дотоодын их сургуульд сурч байгаа оюутан 1993 оноос эхэлж дипломоо барьцаалж зээл авдаг байсан

Гадаадад сурч байгаа оюутан үл хөдлөх хөрөнгө барьцаалж зээл авдаг байсан. БЗС-д хориод жилийн өмнө төгссөн оюутны 200 гаруй диплом байна.

БЗС нийт 30 мянга орчим оюутанд хөнгөлөлттэй зээл олгосон.

2008-2016 оны хооронд төгссөн оюутан нь сургалтын төлбөрөө төлөөд дипломоо авах хэрэгтэй

1993-2016 оны хооронд Боловсролын зээл гэх нэр дор зээл олгодог байсан.

2018 оноос эхлээд БЗС-аас хүүгүй, сургуулиа төгсөөд зургаан жилийн дотор төлбөрөө төлөх боломжит нөхцлийг бүрдүүлсэн.

Энэ жил оюутны хөгжлийн зээлийг олгоно.

• Оюутны Хөгжлийн Зээлийг шинээр олгохдоо зөвхөн Монгол улсад шаардлагатай тэргүүлэх 35 чиглэлийн мэргэжлээр суралцагсдад олгоно.
• Өмнөх хичээлийн жилүүдэд Оюутны Хөгжлийн Зээлд хамрагдаж байсан суралцагсдад мэргэжлийн чиглэл харгалзахгүй зээл олгоно.

БУЦАЛТГҮЙ ТУСЛАМЖ

1. Бүтэн өнчин
2. Хөгжлийн бэрхшээлтэй суралцагч
3. Эцэг эх нь хоёулаа хөгжлийн бэрхшээлтэй суралцагч
4. Хөдөлмөрийн чадвараа бүрэн алдсан гишүүнтэй өрхийн бакалаврын хөтөлбөрийн нэг суралцагч
5. Төрийн өмчийн их, дээд сургуульд багш мэргэжлээр элсэгч
6. Нэг өрхийн 3 суралцагч нь дээд боловсролын сургалтын байгууллагад бакалаврын боловсрол эзэмшихээр зэрэг суралцаж байгаа өрхийн 1 суралцагч
7. Төрийн өмчийн болон төрийн бус өмчийн их, дээд сургуульд сувилагч мэргэжлээр элсэгч
8. Цаатан өрхийн суралцагчид хамаарах юм.

2003-2004 оны хичээлийн жилээс өмнөх төгсөгчид зээлээс чөлөөлөгдсөн. Мөн 2007-2008 оны хичээлийн жилээс өмнө төгссөн 2.8 болон түүнээс дээш дүнтэй, эзэмшсэн мэргэжлээрээ 2 болон түүнээс дээш үр бүтээлтэй ажиллаж байгаа бол зээлээс чөлөөлөгдөнө. Хэрвээ энэ нөхцөл хангаагүй бол зээлээ эргүүлэн төлөх журамтай.

Боловсролын зээлийн санд нийт 13.650 ширхэг диплом байгаа юм. Төгсөгчид яаралтай хөнгөлөлттэй зээлээ төлж, дипломоо авах шаардлагатай байна гэв.