/2023.01.27/: Эзлэгдсэн Иордан голын баруун эрэгт Израилийн цэргийн дайралтын үеэр есөн палестин хүн амь үрэгдсэн нь гэж Палестины албаныхан мэдэгдэв.

Женин хотод амиа алдагсдын дунд 61 настай эмэгтэй байжээ.

Палестины ерөнхийлөгчийн алба Израилийг "алан хядлага" үйлдсэн гэж буруутгасныхаа дараа аюулгүй байдлын асуудлаар Израильтай хамтран ажиллахаа зогсоосноо мэдэгдэв.

Шөнөдөө Израиль руу хоёр пуужин харвасны дараа Газын зурвас дахь Палестины дайчдын эсрэг агаараас цохилт өгсөн гэж Израил мэдэгдэв. Газын ямар ч бүлэг пуужингийн хариуцлагыг хүлээгээгүй бөгөөд хоёуланг нь Израилийн агаарын довтолгооноос хамгаалах систем устгаж чадсан байна.

Газад болсон дэлбэрэлтийн цар хүрээ хараахан тодорхой болоогүй байгаа ч AFP агентлагийн мэдээлснээр аль аль талдаа шархадсан хүн байхгүй аж.

Өнгөрсөн жил Израильд хэд хэдэн хүний аминд хүрсэн халдлагын дараа Израилийн арми эхлүүлсэн терроризмын эсрэг довтолгоогоо үргэлжлүүлж байгаа тул сүүлийн үед Баруун эрэгт хурцадмал байдал нэмэгджээ.

Эх сурвалж: ВВС