/2021.08.26/ НҮБХХ-өөс КОЙКА-ын дэмжлэгтэй хэрэгжүүлж буй "Шийдвэр гаргах түвшинд жендэрийн тэгш байдлыг хангах, эмэгтэйчүүдийн оролцоог дэмжих нь" төслийн Удирдах зөвлөлийн анхдугаар уулзалт цахим хэлбэрээр боллоо.
Тус төсөл нь шийдвэр гаргах түвшинд жендэрийн тэгш байдал, эмэгтэйчүүдийн оролцоог дэмжих зорилготой юм.
Төсөл хэрэгжсэнээр дараах үр дүнд хүрнэ гэж үзэж байгаа аж.
- Хууль тогтоомжид оруулах өөрчлөлтийн төслийг бэлтгэсэн байна.
- Нэр дэвшигч эмэгтэйчүүдэд зориулсан сүлжээ бэхжсэн байна.
- Шийдвэр гаргах түвшинд ажиллах эмэгтэйчүүдийн хүрээ өргөжсөн байна.
- Жендэрийн тэгш байдлын талаарх сонгогчдын ойлголт мэдлэг сайжирсан байна.
- Эмэгтэй нэр дэвшигчийн талаарх улс төрийн намуудын ойлголт мэдлэг нэмэгдсэн байна.
- Жендэрийн тэгш байдлын талаарх хэвлэл мэдээллийн байгууллагуудын ойлголт мэдлэг сайжирсан байна.
