/2022.11.10/ Хан-Уул дүүргийн 20 дугаар хорооны нутаг дэвсгэрт байрлах Мишээл экспо худалдааны төвийн “Food Street“-д гал гарч тухайн хэсэг шатсан харамсалтай хэрэг гарчээ.

Тодруулбал, өнөөдөр өглөөний 6 цагийн орчимд тус төвийн "Food Street" хоолны газрын дэээврийн хэсэгт гал гарч, улмаар нүүрэн эгнээний ресторан, үйлчилгээний газрууд шатсан байна.

ОБЕГ-ын алба хаагчид 06:53 цагт тархалтыг зогсоож, 07:20 цагт галыг бүрэн унтраажээ. Одоогоор гал түймэр гарсан шалтгаан, нөхцлийг тогтоохоор Гал түймрийн улсын хяналтын байцаагч, галын шинжээчийн бүрэлдэхүүн ажиллаж байгаа аж.