/2022.11.03/: Баянгол дүүргийн 20 дугаар хороо, Нисэхээс Сонсголон явах замд нийтийн зорчигч тээврийн автобус шатаж байна гэсэн дуудлага бүртгэгдсэн байна.

Дуудлагын дагуу тус дүүргийн Онцгой байдлын хэлтсийн Гал түймэр унтраах, аврах 18 дугаар ангийн алба хаагчдыг очиход “Аэро сити 540” загварын нийтийн зорчигч тээврийн автобус шатаж байсныг 30 минут ажиллаж унтраасан байна.

Иймд зорчигч тээврийн компаниуд техникийн аюулгүй байдлыг бүрэн хангасан техник хэрэгслийг хөдөлгөөнд оролцуулж, хуулиар хүлээсэн үүргээ биелүүлж ажиллахыг нийслэлийн онцгой байдлын газраас анхааруулж байна.

Эх сурвалж: НОБГ