/2022.09.13/ Завхан аймгийн Баянтэс суманд энэ сарын 8-ны өдөр гарсан гал түймрийн тархалт нэмэгдсээр байна.

Тодруулбал, хилийн 0277 дугаар ангийн 0310, 0271 дүгээр салбарын хариуцсан хэсэг, Хайчийн даваа, Баян-хөндий зэрэг газрууд түймэрт өртөж одоогийн байдлаар 7,600 гаруй га талбай шатаад байна гэж ХХЕГ-аас мэдээллээ.

Түймэр унтраах бүлэгт

• хилийн цэргийн 0277 дугаар ангийн төв,
• хилийн цэргийн салбаруудаас 80 гаруй алба хаагчид 7 техник хэрэгсэлтэйгээр
• Завхан аймгийн Улиастай, Тосонцэнгэл, Түдэвтэй, Баянхайрхан, Тэс сум, Увс аймгийн Баруунтурууны Онцгой байдлын анги,
• Зэвсэгт хүчний 325 дугаар ангийн алба хаагчид,
• Завхан аймгийн Тэс, БаянТэс, Асгат сумын удирдлага, ард иргэд, дүйцүүлэх алба хаагчид гээд нийт 341 хүн, 40 гаруй техник оролцож байгаа ажээ.

Түүнчлэн хил давсан түймрийн хэсэгт ОХУ-ын Кизыл хотын ойн анги, хилчид, ард иргэд мөн 100 гаруй хүний бүрэлдэхүүн түймрийг унтраахаар ажиллаж байна гэв.