/2022.08.26/: 2022 оны 8 дугаар сарын 25-аас - 29-ний өдрүүдэд “Төрийн хяналт-Аудит 100” үзэсгэлэн Монголын Үндэсний музейд нээлтээ хийлээ.

Монгол Улсын Үндэсний музейн болон Үндэсний төв архивын сан хөмрөгт түшиглэн Төрийн хяналтын тогтолцооны түүхийн хэлхээс болсон онцлог үйл явдлыг он цагийн дарааллаар хураангуйлж, БНМАУ-ын Анхдугаар болон дараа дараагийн Үндсэн хуулиар төрийн хяналтын чиг үүргийг хуульчлан баталгаажуулснаас улбаатай тухайн үед Ардын Засгийн газраас гарч байсан шийдвэрийн эх хуулбар, үе үеийн хяналтын байгууллагын тамга тэмдгийн дардас, хянан шалгах ажилтнуудын хэрэглэж байсан эд зүйлс, хүртээсэн гавьяа шагнал, улс, нийтийн өмчийг хамгаалах уриа дуудлага болгосон зурагт хуудас, хяналт шалгалтын ажлын төрөл, тоо баримтыг илтгэх түүхэн баримтаас 150 гаруйг дээжлэн толилуулж байна.

Та бүхэн хүрэлцэн ирж “Төрийн хяналт-Аудит 100” үзэсгэлэнг үзэж сонирхоно уу.

Эх сурвалж: Соёлын яам