/2024.04.16/: БОАЖ-ын Сайд Б.Бат-Эрдэнэ Их Британи, Умард Ирландын Хаант Улсаас Монгол Улсад суугаа Эзэн хааны Элчин сайд хатагтай Фиона Блайттай уулзлаа.
Уулзалтаар хоёр орны аялал жуулчлалын салбарт хамтран ажиллах, ингэхдээ иргэн төвтэй жуулчлалыг ашиглан харилцан сурталчилгаа хийх талаар санал солилцлоо.
Мөн “Монголд зочлох жил”-ийн хүрээнд олон Улсад алдартай Английн нэр хүндтэй алдартан, нөлөөлөгчдийг Монгол Улсад урих, хоёр орныг харилцан сурталчлахад дэмжлэг үзүүлэхийг Сайд Б.Бат-Эрдэнэ хүссэн юм.
Элчин Сайд Фиона Блайтт өөрийн Улсад Монголын түүх, үзэсгэлэнт байгаль, зэрлэг амьтад, соёл урлагийн гэх мэт сайхан бүхнийг сурталчлахыг хүсэж буйг илэрхийлээд, Таны тавьсан санал боломжгүй зүйл биш юм. Хоёр Улсын хамтын ажиллагааг өргөжүүлэхэд түлхэц өгөх маш чухал санал тул хүндэтгэлтэй хандах болно гэв.
Эх сурвалж: БОАЖЯ
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.