/2024.04.16/: Өнөөдөр Баянзүрх дүүргийн 147 дугаар сургуулийн ахлах ангийн сурагч ангидаа нулимс асгаруулагч хий цацсаны улмаас хүүхдүүд хордсон дуудлага түргэн тусламжийн албанд иржээ.
Дуудлагын дагуу түргэн тусламжийн баг очиход насанд хүрсэн 3 хүн, 64 хүүхдийн нулимс гоожсон, хоолой хорсож дотор муухайрсан зовиуртай байжээ.
Улмаар насанд хүрсэн 3 хүнийг Цэргийн төв эмнэлэгт, хүүхдүүдийг ЭХЭМҮТ, БЗД-ийн Нэгдсэн эмнэлэг болон МЯСЭ-д хүргэсэн байна.
