/2024.01.26/: Зам тээврийн ноцтой осол хэрэгт холбогдсон Жолооч Н.Рэнцэндорж, Э.Мөнхнаран нарыг 48 цагийн хугацаатай баривчлах шийдвэр гарсан.
Тодруулбал цагдаагийн байгууллага нэр дурдагдсан хоёр жолоочийг хуульд заасан үндэслэл журмын дагуу шүүхийн зөвшөөрөлтэй өөрийн болон бусдын амь нас, эрүүл мэндэд хохирол учруулж болзошгүй үндэслэлээр 48 цагийн хугацаатай түр баривчилж, мөрдөн шалгах ажиллагааг явуулж байна.
Гэтэл "Өдрийн сонин"-ны өнөөдрийн дугаар буюу 2024 оны нэгдүгээр сарын 26-ны өдрийн тэргүүн нүүрт "Жолооч Н.Рэнцэндоржийг хорьж, Э.Мөнхнаранг гадуур шалгаж байгаа бололтой" гэх гарчигтай олон нийтийг төөрөгдүүлсэн ташаа мэдээлэл нийтлэгджээ.
Иймд Та бүхэн баталгаат эх сурвалжаас мэдээлэл авч байхыг зөвлөж байна.
