/2024.01.26/: Улаанбаатар хот, Сонгинохайрхан дүүрэг 19 дүгээр хороо, Содон хороолллын 90 дүгээр байрны С орцонд хог шатаж байна гэсэн дуудлага өчигдөр өдрийн 17:04 цагт Онцгой байдлын газарт иржээ.
Дуудлагын дагуу тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчдыг очиход тус байрны С орцны хогийн сувагт хог шатаж байсныг ажиллаж унтраасан байна.
Утаажилтын бүсээс тус орцны 56 иргэн / том хүн 34, хүүхэд 22/-ийг аюулгүй газарт гаргасан.
Эх сурвалж: ОБЕГ
