/2024.01.23/: Цагаан сарын баярыг угтан үзэсгэлэн худалдаанууд хэд хэдэн газарт гарч байна.
Тэгвэл Чингэлтэй дүүргийн зүгээс Архангай аймгийн малчидтай хамтран дундын зуучлалгүйгээр хэрэглэгчдийн гарт хүрэх боломжтой худалдааг Тусгаар тогтнолын талбайд зохион байгуулж байгаа аж.
Тодруулбал Сар шинийн баяртай холбоотойгоор Архангай аймгийн сумдын малчин, үндэсний үйлдвэрлэгч нарыг хамруулсан мах, цагаан идээ, бусад хүнсний бүтээгдэхүүний үзэсгэлэн худалдаа дүүргийн 5 дугаар хороо Тусгаар тогтнолын талбай дээр 2024 оны нэгдүгээр сарын 20-ны өдрөөс хоёрдугаар сарын 05-ны өдөр хүртэлх хугацаанд зохион байгуулагдаж байна.
Тус өргөтгөсөн худалдаа нь үйлдвэрлэгчээс хэрэглэгчдэд дундын зуучлалгүйгээр шууд хүргэх боломжийг бүрдүүлж байгаа юм.
Эх сурвалж: ЧД
