Арваад жилийн өмнө юм даа, мэдээлэл хийх гээд бэлдсэн PPT-ээ флаш дээр хадгалж, халааслаад, бас хашир нь дээр гээд оффисынхоо проекторыг сугавчлаад гардаг байсан бид технологийн хөгжлийн хурдыг дэлхийтэй хөл нийлүүлэн эдэлж байгаа нь яалт ч үгүй сайхан хэрэг шүү.
Техник технологи хэрхэн асар хурдацтай хөгжиж, өөрчлөлт авчирч байгаа нь албан байгууллага, сургуулийн орчинд ашиглагдаж байгаа бүтээлч байдал, ажлын бүтээмжийг дээшлүүлдэг ухаалаг төхөөрөмжүүдээс л тод харагдаад байгаа.
Эдгээрээс сүүлийн жилүүдэд хэрэглээнд нэвтэрсэн хамгийн инновацилаг нэг бүтээгдэхүүн бол интерактив, ухаалаг дэлгэц гэвэл маргах хүн цөөн биз ээ. Ухаалаг дэлгэц ашиглагдахын хэрээр хэрэглэгчид хэд хэдэн үйлдлийн системтэй зохицон ажилладаг, олон төрлийн программ дээр ашиглаж болдог, талбай том, мэдрэгчтэй байх зэрэг шаардлагууд тавьдаг болсон. Эдгээр шаардлагуудыг бүрэн хангасан нэгэн ухаалаг төхөөрөмжийг хэрэглэж үзсэн сэтгэгдлээ энэ удаа та бүхэнд хүргэхээр шийдлээ. Цаашид ч мөн адил туршиж хэрэглэсэн бүтээгдэхүүнийхээ талаарх сэтгэгдлийг тогтмол оруулж байх болно.
Миний бие тун саяхан METZ брэндийн зүгээс албан байгууллага, сургалтын орчинд зориулан үйлдвэрлэсэн H series 86 инчийн хэмжээтэй дэлгэцийг туршилтаар ашиглаж үзлээ. METZ display нь Skyworth брэндэд хамаардаг юм байна. Уг ухаалаг дэлгэц нь өөр дээрээ Android OS суулгасан, 4K нягтралтай, whiteboard программ хангамж, чанга яригчаар тоноглогдсон хамгийн сүүлийн үеийн өндөр технологийн бүтээгдэхүүн юм. Нэмэлтээр OPS төхөөрөмж аваад залгавал, Windows үйлдлийн систем ч холбож болно.
Ашиглаж эхлэхээс өмнөх анхны сэтгэгдэл мэдээж хэрэг цэмцгэр хэрнээ бат бөх хийц дизайн нь байв. Хөнгөнцагаан гадаргуу, металл хүрээтэй их бие нь оффисын орчинд үнэ цэнтэй мэдрэмж төрүүлэхийн зэрэгцээ эдэлгээ даахуйц чанартай гэдгийг харуулна. Дэлгэцийн хажуу талд олон төрлийн залгуур, холбогчийн оролтуудтай, тухайлбал, Android USB, Type С, USB 3.0 гээд бүх төрлийн холбогч, HDMI оролт гаралтуудтай байгаа нь нэмэлтээр олон төрлийн төхөөрөмж холбох боломжтой гэсэн үг. Хананд тогтоох буюу зориулалтын хөлөнд бэхэлж ашиглаж болно. Гэхдээ хашир нь дээр гээд зориулалтын хөл авч тогтоосон нь найдвартай юм уу гэж бодогдсон шүү. Учир нь дэлгэц маань 60 гаруй кг жинтэй юм байна.
Ер нь бол ухаалаг интерактив дэлгэц л гэж нэрлээд байгаа болохоос METZ H series дэлгэц маань хос үйлдлийн системтэй компьютер гээд энгийнээр ойлгочиход болно. Android үйлдлийн систем нь 4гб рам, 32гб санах ойд суурилж ажиллах ба мемори карт ашиглаж, санах ойг нь 128гб хүртэл өргөтгөнө. Мэдээж Android OS дээр нь Google Play Store-оос хэрэгтэй программуудаа татаад суулгачихдаг юм байна. Аль аль үйлдлийн систем нь хичээл сургалт, презентаци танилцуулга, хурал зөвөлгөөнд зориулсан олон сонирхолтой үйлдэл бүхий зориулалтын программ хангамжтай. 155 ватт эрчим хүчний зарцуулалттай гэдэг нь ижил төрлийн ийм том дэлгэцүүдтэй харьцуулахад маш бага зарцуулалттайд тооцогдоно.
Яг биет дэлгэц нь 4K UHD нягтралтай, өнгө дүрслэлийн гайхалтай ялгарал гаргаж чаддагаас гадна 178 градусын харагдах өнцөгтэй юм. Тэгш хавтгай 180 градус байдаг гээд бодохоор METZ H series дэлгэцийн бараг л хажуунаас нь, дээр, доороос нь ч харсан дүрс нь тод харагдана гэсэн үг. Цонхоор тусах байгалийн гэрэлд гялайж гялбахгүй онцлог нь одоо цагт бүх л дэлгэцэнд тавигддаг шаардлага болсон биз. Нэг сонирхолтой юм нь энэ дэлгэц 20 touch point дэмждэг юм билээ. 20 хүн нэгэн зэрэг юм бичиж, зурж болно гэж хар ухаанаар ойлгомоор юм уу даа.
Хичээл заах, танилцуулга хийх, хурал зөвөлгөөнд ашиглахдаа бэлдсэн материалаа флаш диск, мемори картаар зөөж болохоос гадна өөрөө WiFi холболт дэмждэг болохоор интернэтэд, эсвэл дотоод сүлжээнд хадгалсан материалууд руугаа чөлөөтэй хандаж болох юм. Мэдээж хэрэг бас Bluetooth холболттой. Дэлгэцийг дагаж ирдэг 2 ширхэг ухаалаг үзэг нь бодвол Bluetooth-ээр холбогдож таарна. HDMI эсвэл утасгүй холболтоор өөрийнхөө компьютерийн дэлгэцийг ч шилжүүлэн ашиглах боломжтой. Нэгэн зэрэг хэд хэдэн хүн дэлгэцээ шэйрлээд, хуралдахад ч асуудалгүй.
Авч ашиглахад хамгийн тохиромжтой байгууллагууд гэвэл нэн тэргүүнд их дээд сургуулиуд болон дунд сургуулиуд, албан байгууллагууд, түүн дотроо маркетинг, төлөвлөлт, brainstorm хийдэг алба нэгжүүд нэг ийм дэлгэцтэй байхад ажлын бүтээмж үлэмж дээшлэхээр санагдлаа. За тэгээд байгууллагын цайны цагаараа PS5 юм уу, Xbox тоглодог залуус бол яаж хэрэглэхээ надаар заалгалтгүй сайн мэднэ. Нэг өгүүлбэрээр дүгнэж хэлэхэд, METZ H Series брэндийн ухаалаг дэлгэцтэй болох нь энгийн нэг худалдан авалт биш байгууллагадаа хийж байгаа хөрөнгө оруулалт гэж тооцогдоно.
Бүтээгдэхүүний талаарх сэтгэгдлийг энэ хүртэл уншсан танд баярлалаа. METZ H series дэлгэцийн талаар мэргэжлийн хүнээс илүү дэлгэрэнгүй мэдээлэл авахыг хүсвэл та энд дарж үзээрэй. Энэ төрлийн бусад дэлгэцүүдээс хамгийн боломжийн үзүүлэлттэй, албан ёсны эрхтэй, гол нь хямд үнээр борлуулж байгаа нэг л газар байгааг олж мэдээд та нарт дуулгаж байгаа нь энэ юм шүү.
