/2023.11.20/: Зам, тээврийн хөгжлийн сайд С.Бямбацогт Ховд аймагт ажиллах үеэрээ Цэцэг суманд “Тээвэрчидээ сонсоё” уулзалт, хэлэлцүүлэг зохион байгуулж, жолооч, тээвэрчдийн санал бодлыг сонслоо.

Тээвэрчдийн зүгээс С зөвшөөрлийн бичгийг уурхайнууд олгодог болсноор зөвшөөрөл дагасан хүнд суртал, ашиг сонирхол хүндэрсэн тухай болон БНХАУ-ын хилээр давмагц улс хоорондын тээвэр хийж байгаа жолооч нарыг эрх ашгийг боогдуулдаг, дарамталдаг гэх мэт асуудлуудыг тээвэрчдийн төлөөлөл хэлж байлаа.

ЗТХ-ийн сайдын зүгээс БНХАУ-ын Тээврийн яамтай холбогдож үүсээд байгаа нөхцөл байдлыг ойрын хугацаанд шийдвэрлэх чиглэл өглөө.

Мөн Мо-Энко компанийнхантай маргааш уулзаж Ховдын тээвэрчидийн тавьсан хүсэлтийг шийдвэрлэхээр боллоо.