/2023.09.15/: Эрдэнэт үйлдвэрийн ажилчид ажил хаялтаа үргэлжлүүлж байгаагаас үйлдвэрийн ажил доголдож магадгүй болоод байна.

Үүнтэй холбоотой Эрдэнэт үйлдвэрийн Ерөнхий захирал Г. Ёндон мэдэгдэл хийлээ. Тэрээр Үйлдвэрчний эвлэлтэй удаа дараалан уулзалт хийсэн ч ажилчдын цалинг 50 хувиар нэмэх асуудал дээр тохиролцоонд хүрээгүй гэлээ.

Үйлдвэрийн Үйлдвэрчний эвлэлийн дарга н.Мөнхжаргал нь даргаар сонгогдохдоо биелэгдэх боломжгүй амлалт өгсөн тооцоо судалгаагүй зүйл амалсан учраас шүүхэд хандаж байгаа гэдгээ илэрхийллээ.

Ерөнхий захирал Г.Ёндонгийн тайлбарласнаар ажил хаялт зарлаад байгаа ажилчдын дундаж цалин 4 сая орчим байгаа нь улсын дундаж болон салбарын цалингаас өндөр гэлээ.