/2023.07.24/: Кристофер Ноланы хамгийн сүүлд бүтээсэн "Оппенхаймер" кино нь Энэтхэгийн барууны Хинду үзэлтнүүдийн дунд маргаан дэгдээж, зарим нь бойкот зарлаж шашны ариун судар дахь алдартай эшлэлийг хэлсэн сексийн хэсгийг хасахыг шаардсан байна.
Уг кинонд атомын бөмбөгийн түүхийг бүтээгч Роберт Оппенхаймер өөрийн амраг Жан Татлокийн бэлгийн харилцаанд орж буй дүр зурагтай.
Жан Татлок уг үзэгдлийн дундуур Хиндуизмын хамгийн ариун судруудын нэг болох Бхагавад Гитагийн хуулбарыг аваад Оппенхаймераас үүнийг уншихыг хүснэ.
Уг судрын энэхүү хэсгийг Оппенхаймер "Одоо би Үхэл бас ертөнцийг сүйтгэгч болсон" гэж хэлээд үзэгдэл цааш үргэлжилдэг байна.
Энэтхэгийн үндсэрхэг үзэлтэй Бхаратия Жаната намын (BJP) улстөрч уг киног "Хинду шашинд халдсан халдлага" хэмээн нэрлэж, "Хиндү шашны эсрэг хүчний томоохон хуйвалдааны нэг хэсэг" гэж буруутгаж байгаа нь баруун жигүүрийн зарим бүлгүүдийн дургүйцлийг төрүүлээд байна.
Энэтхэгийн Мэдээллийн комиссар Удай Махуркар бямба гарагт хийсэн мэдэгдэлдээ, энэ үйл явдлыг "Нэг тэрбум Хиндучуудын шашны итгэл үнэмшилд шууд халдаж байна" гэж хэлээд "Хинду нийгэмлэгтэй дайн хийж байна" гэж зүйрлэн хэлсэн байна.
Тэрээр цааш нь хэлэхдээ: "Хэрэв та энэ үзэгдлийг арилгаж, Хиндучуудын зүрх сэтгэлийг байлдан дагуулах зүйлийг хийвэл энэ нь таныг мэдрэмжтэй хүн болохын илтгэж, олон тэрбум сайхан хүмүүсийн нөхөрлөлийг бэлэглэх болно гэдэгт бид итгэж байна" гэжээ.
Орон нутгийн мэдээлснээр “Оппенхаймер” кино нээлтээ хийсэн өдрөө 3 сая гаруй долларын орлого олсон байна.
Сонирхуулахад зэрэгцэн нээлтээ хийсэн кино найруулагч Грета Гервигийн “Барби” кино энэ өдөр 1 сая гаруй долларын ашиг олжээ.
Энэтхэгийн кино зөвлөлөөс "Oppenheimer" кинонд U/A үнэлгээ өгсөн бөгөөд энэ нь насанд хүрэгчдийн дунд зэргийн сэдэвтэй кинонд зориулагдсан, 12-аас доош насны хүүхдүүд эцэг эхийн удирдлага дор үзэх боломжтой кино болж байна.
